Manu Chao

Manu Chao Euskal Herrira bueltatuko da 7 urteren ondoren

• Manu Chao abeslaria Arrasateko Monterron parkean arituko da uztailaren 9an.
• Burutik eta Eire taldeek ere parte hartuko dute jaialdian.
• Mondra n’ Roll jaialdiaren azpiegitura erabiliko da Monterron parkean kontzertua antolatzeko.

Lizarran aritu zen azkenengoz 2016an. 7 urteren ondoren Euskal Herrira bueltatuko da Manu Chao. Uztailaren 9an Arrasateko Monterron parkean egongo da Mondra n’ Roll jaialdiko azpiegitura eta baliabideak aprobetxatuz. Sarrerak maiatzaren 30ean jarriko dira salgai musikaze.net plataformaren bitartez.

Burutik-ek eta Eirek irekiko dute gaua

Iruñako Burutik taldea eta Eire bikote Zumaiarra izango dira artista ezagunaren kontzertua irekiko dutenak. Burutik-ek 2022ko martxoan argitaratu zuten euren azkenengo lan luzea eta aurreko otsailean 3 kantaz osatutako EPa kaleratu zuten. Eire, bestalde, hasi berri den bikotea da eta azkenengo urtean zenbait single kaleratu dituzte.